Ég vil endilega deila með einhverjum smá frásögn.

Þannig er að ég keypti mér blandara fyrir 2árum, ekkert sérstaka tegund en sterklegann með glerkönnu og bara huggulegann, hann svínvirkaði, alltaf, þar til eitt sinn, þá lak allt úr honum.

Ég ákvað strax að eitthvað væri að gúmmihring neðan á blandaranum (Pakkningu) hún  var eitthvað svo laus og lufsuleg.

Þar sem ég og blandarinn höfðum átt saman góðar stundir við að byrla ýmsa skyrdrykki vildi ég að sjálfsögðu fá bót meina hans, og hringdi í verslunina þar sem ég hafði keypt hann.

Þeir sögðu að ég skyldi hafa samband við verkstæðið þeirra eða hafa samband við aðra tiltekna viðgerðarþjónustu, jybbí, ég var kát og hafði þegar í stað samband við verkstæðin en þar var mér sagt að þettað væri smáhlutur og ekki á stefnuskrá hjá þeim að gera við svoleiðis hluti, betra væri bara að fá sér nýtt tæki.

Vá hvað ég var spæld og þótti þettað lélegt svar og þjónusta, þeir vildu ekki einusinni líta á könnuna sem lak meðfram lufsulegum þéttikantinum.

Svo ég bara setti þettað bara í bið það hlyti eitthvað að gerast.

Fyrir stuttu frétti ég svo af manni uppi á Höfða sem gerði beinlínis þéttikanta og fór með mína könnu til hans, hann skoðaði og tók könnuna í sundur, svolítið sem ég vissi ekki að væri hægt hafði reyndar ekkert prófað það neitt svo mikið.

Hann fann það út maðurinn, Páll minnir mig að hann heiti að einhverntímann hefði skrúfast svolítið niður af skrúfganginum og þannig flæddi úr könnunni, þéttihringirnir eru bara í lagi og hinir glæsilegustu.

Hann sagði mér að fara bara með könnuna heim og taka hana í sundur þrífa hana vel og setja hana svo saman og þá ætti hún að vera í lagi, sem gekk eftir, nú er aftur hafin framleiðsla í stórum stíl á hinum ýmsustu skyrdrykkjum, og ýmsum brögðum beitt

Ég tek það fram að hann er ekki með tækjaviðgerðarverkstæði en gaf sér samt tíma til að stúdera með mér könnuna, hann er alvöru þessi.

Þó að það sé viss pólitík í því að hafa vörur ekki algerlega fullkomnar til að skapa framleiðslu þá finnst mér samt ætti að vera amk viðlit til þess að líta á vöruna áður en hún er dæmd úr leik.

Kanski á þessi frásögn heima hjá  Dr Gunna, en ég hef hana bara hér.

Ekki finnst mér nú neitt skemmtilegt að blogga, mér finnst mikið skemmtilegra að kommenta á bloggið hennar Hullu vinkonu í DK.

Það eina sem mér dettur í hug að blogga er eitthvað tuð, og mig langar það bara ekki svo mikið.

Mitt mottó er "Líf og fjör" ég nefnilega eins og flestir lifi bara einu sinni (Hérna allavega) og ætla ekki að eyða lífinu í spælingar, allavega ekki svo heitið geti.

Almennur galsi og glens hentar mér, tek Lýsi og ég get svarið það að það virkar, en Baggalútur virkar betur, dagleg neysla bætir geð.

Og þegar þeir eru í sumarfríi og þótt ég viti að þeir komi aftur í ágúst þá kíki ég samt alltaf í von um að Enter eða Númi fannsker hafi misst sig í hvatvísi og skrifað á síðu Baggalúts í sumarfríinu.

Einu sinni var ég bara með svona Halla og Ladda húmor, þekkti ekki annað.

Ég bjó í Hafnarfirði og það var 17júní og Radíusbræður voru með uppistand um kvöldið, þangað fór ég að sjá þessa fyndnu stráka, en varð þettað líka hneyksluð, hellti úr eyrunum á mér af hneykslun þvílíkt hafði ég alldrey áður upplifað, en eftir fortölur gaf ég þeim sjens og hélt út kvöldið og eftir það fór ég að gefa öðrum sortum húmors sjens.

Á mínum vinnustað eru flestir í kring um mig miklir húmoristar og gleðigjafar, ég er heppin með það.

Eins gott að ég vinn ekki á ríkisstofnun, það væri löngu búið að reka mig fyrir galsa.

Einu sinni fékk ég alvarlega áminningu frá yfirmanni mínum þáverandi, þá vann ég þar sem verslað var með skótau ýmisskonar og ma íþróttaskó og til okkar komu margir skokkarar að versla þessa gæðaskó sem hafa þá eiginleika að vera stundum afspyrnu glannalegir í litum svo spyrja mætti sig hvort þeir væru löglegir, eða hvort ætti kanski fyrst að smella þeim í umhverfismat áður en hafin er sala á þeim.

Eníveí... Einhver hlaupaspíran hafði á orði að skór sem hentuðu hennar hlaupastíl væru bara ógeðslega ljótir á litinn og líka síðasta árgerð þar á undan það væri varla hægt að láta sjá sig í þessu á almanafæri. "Iss, ekkert mál" sagði ég "bara hlaupa nógu hratt þá sést ekki hvernig þeir eru á litinn" Engum þótti þettað leiðinleg uppástunga utan yfirmaður minn hann sá ekkert skemmtilegt við þettað.

Risabros til ykkar allra.

Ferlega er ég orðin þreytt á fréttunum alstaðar, í útvarpi blöðum og sjónvarpi og svo er ekki um annað talað, Kræst.

Ég trúi því að allt sem þú átt ekki að gera eða segja en gerir samt eða seigir kemur til þín til baka og hefnir sín....  frá mínum bæjardyrum séð fær þettað ljótukallafélag á baukinn án þess að við þurfum neitt að hafa fyrir því...

Ég hef reyndar furðað mig á því þegar ég hef heyrt um laun yfirmana ýmissa fyrirtækja, hvað í ósköpunum ætla þeir að gera við allann þennann pening........ svo plebbalega græðgislega ótrúlegar upphæðr í launum

Ég veit síðan ekkert hvort þettað eru sannindi, en ég td heyrði af einum yfirmanni í banka sem átti að hafa haft 65 milljónir í mánaðarlaun..... skilst mér vegna þess að hann væri að gera svo góða hluti fyrir bankann sinn og viðskiptavini..... svo hafði hann líka árangurstengdann bónus ofaná, seigir sagan, plús það að hann hafði kaupréttarsamning sem þýðir að hann má versla með bréf á lægra gengi en td ég, en selja strax aftur á hærra gengi.

Það hefur sennilega gleymst að semja um ef slakur eða enginn árangur næst, kanski er það líka ekki svo góð hugmynd.

 EN MÉR FINNST ÞAÐ GÓÐ HUGMYND.

Jæja nenni ekkert að spökulera í þessu, spökulera frekar í einhverju öðru.

  Binz.